Varianti i ri i covid19, i pagëzuar nga OBSH si Omicron, ka shqetësuar gjithë botën.
Po cilat janë simptomat e tij ? Ekspertët e huaj kanë nënvizuar “lodhjen ekstreme” si një tipar të veçante, që mund të tregojë se jeni infektuar me Omicron.
Kreu i Urgjencës Kombëtare, Skënder Brataj tha në OPEN se simptomat tipike të këtij varianti janë, sekrecionet, dhimbjet e fytit dhe temperatura për 1-2 ditë.
“Omicroni ka tipike rrufën, sekrecionet, dhimbja e fytit dhe temperaturë 1-2 ditë dhe periudhë rikuperimi më të ulët se më parë.”, tha Brataj.
Epidemiologu Ilir Alimehmeti u shpreh se rritja e rasteve të reja me Covid-19 në Afrikën e Jugut tregon se ka transmetueshmëri të lartë, por ende nuk është konfirmuar kjo gjë.
“OBSH, CDS, të gjtha bashkë vendosën se është variant shqetësues. Ne dimë shumë pak, dimë listën e gjatë të mutacioneve dhe mendon se mund të presësh gjëra në të ardhmen. Disa variante kanë pasur transmetueshmëri të lartë dhe kjo merr bazën e të dhënave se mund të sjellë trasmetueshmëri të lartë. Provë është Afrika e Jugut që janë rritur rastet. Kemi shumë mungesë informacionesh. Keni rreth 1400/1500 variante të ndryshme. Do ta ndjekim. Afrika e Jugut ka pasur dhe një variant shqetësues, por nuk erdhi asnjëherë në Europë”, tha Alimehmeti./