Anulohet televotimi për 10 banorët në nominim.
Në një njoftim zyrtar, nga Vëllai i Madh, bëhet me dije se dy zarfe të zinj kanë mbërritur në shtëpinë më të ndjekur në vend.
Në njoftim theksohet se Vëllai i Madh ka marrë masa, të cilat do të zbulohen në spektaklin e sotëm. Deri më tani nuk dihen arsyet e zarfeve të zinj.
Sipas një skenari që po qarkullon, Big Brother mund të shkojë edhe më tej, duke çuar banorët në televotim kokë më kokë, ku përballë njëri-tjetrit mund të jenë Rogerti dhe çifti Ina–Kejsi, si pasojë e ofendimeve gjatë debateve të fundit.
Banorët në televotim janë: Angelo, Artani, Keijsi, Juela, Greta, Krusita, Rogerti, Mal, Miri dhe Mateo.
