Mësohet se shkak i vdekjes dyshohet të ketë qenë hemorragjia cerebrale.
Lapardhaja ishte një qytetar i angazhuar, publicist dhe kritik letrar, i cili shquhej për analizat e opinionet e tij.
Ai njihej edhe si aktivist që merrte pjesë në debate publik me qëndrime mbi drejtësinë, transparencën, arsimimin dhe çështje të tjera sociale.
Me një përvojë 20 vjeçare në fushën e publicistikës dhe kritikës, Lapardhja ka kontribuar me shkrime në media të ndryshme shqiptare.
Reagimi
Asociacioni i Gazetarëve të Shqipërisë shpreh dhimbjen e thellë për ndarjen e parakohshme nga jeta të gazetarit Namir Lapardhja.
“Largimi i tij është një humbje e rëndë për komunitetin e gazetarëve dhe për jetën publike në vend. Namiri do të kujtohet si një profesionist i përkushtuar, një mendje e hapur dhe një zë kritik e i ndershëm në gazetari, i cili kontribuoi me integritet jo vetëm në fushën e politikës, por edhe në kulturë dhe debat publik. Trashëgimia e tij do të mbetet një dëshmi e angazhimit të tij qytetar dhe intelektual. Në këto momente të vështira, AGSH i shpreh ngushëllimet më të sinqerta familjes, të afërmve dhe kolegëve të tij në gazetën Tema. U prehtë në paqe”, thuhet në reagimin e Asociacionit të Gazetarëve të Shqipërisë.
