Mjeku popullor Ylli Merja, i ftuar në studion e emisionit “Dita Jonë” tregoi rreziqet e duhanit tek të rinjtë.
“Duket sikur e përdorin për modë. Gjëja e parë që bën duhani është trashja e gjakut dhe vështirësohet qarkullimi i gjakut në organet riprodhuese të femrës. Pakësohet sasia e gjakut që shkon në uterus.
Ka çrregullim të ciklit dhe një femër me çrregullime është e predispozuar për të formuar flluska me ujë ose kiste, pasi ajo vezë që nuk piqet plotësisht nuk arrin që të dalë në atë Gypin e Fallopit, por ajo çahet, plas aty dhe mbetet, duke dëmtuar pra të gjithë ciklin hormonal.
Mandej, po filloj që kjo balancë hormonale të prishet, këto kiste zhvillohen edhe në gjoks”, tha Merja.
Merja theksoi se edhe te meshkujt që duan të bëhen prindër ndikon për keq duhani.
“Ul sasinë e spermës, shpejtësinë e spermatozoidëve dhe prish edhe formën e tyre. Nuk arrijnë që të bëjnë pllenimin”, tha Merja.
