Një ngjarje e rëndë ka ndodhur në Itali, teksa një grua 48-vjeçare shqiptare është vënë nën hetim.
Sipas mediave vendase, ngjarja ka ndodhur në Savona ku shqiptarja dyshohet se helmoi vjehrrën e saj 73-vjeçare, me helm për minjtë. Gruaja dyshohet se përzjeu ushqimin e vjehrrës së saj, e cila është e paralizuar, me helm për minjtë. Gjendja e të moshuarës u përkeqësua shpejt dhe pasi u dërgua në spital, ajo u diagnostikua me helmim. Testet mjekësore zbuluan nivele të larta të substancave toksike në gjak.
Tashmë e moshuara është pajisur me urdhër-mbrojtjeje dhe gruaja nuk lejohet t’i afrohet. Gjithashtu, kjo e fundit është vendosur në arrest shtëpie teksa hetimet vijojnë.
