Eleanor është vetëm një nga shumë të huaj që kanë zgjedhur vendin tonë për të filluar një jetë të re, të sigurt dhe të qëndrueshme.
39-vjeçarja nga Filipinet ka vetëm dy muaj që jeton në Shqipëri për të punuar dhe për të jetuar.
Tregon se la pas vendin e saj dhe punon në Shqipëri si shitëse dhe se pavarësisht largësisë nga familja, ndihet e lumtur dhe e motivuar për të filluar një kapitull të ri në Shqipëri.
Për të Shqipëria ofron mundësi të mira për punë dhe procesi për të ardhur këtu ishte i thjeshtë.
Vendi ynë po bëhet gjithnjë e më shumë një destinacion për punonjës të huaj; vetëm vitin e kaluar, rreth 50,000 të huaj kishin leje pune në Shqipëri.
Përveç mundësive të punësimit, Shqipëria ofron një ambient mikpritës dhe njerëz të ngrohtë, gjë që e bën adaptimin dhe integrimin shumë më të lehtë.
