Detaje të reja janë zbardhur në lidhje me vrasjen e ndodhur pasditen e sotme në Nikël, ku një konflikt mes dy familjarëve ka përfunduar në mënyrë tragjike.
Sipas burimeve paraprake, autori i dyshuar i krimit është Eduart Ahmataj, ndërsa viktima është Artur Cangu. Mësohet se ky i fundit është qëlluar për vdekje me armë zjarri nga kunati i tij.
Burimet bëjnë me dije se mes dy personave kishte pasur edhe më herët përplasje, ndërsa dyshohet se konflikti i disa ditëve më parë ka çuar në përshkallëzimin fatal të situatës.
Një element i rëndësishëm i hetimit është fakti se, sipas të dhënave paraprake, ka qenë vetë autori i dyshuar ai që ka njoftuar policinë pas ngjarjes.
Forcat e policisë kanë mbërritur menjëherë në vendngjarje dhe po punojnë për zbardhjen e plotë të rrethanave, si dhe për dokumentimin ligjor të çështjes dhe kapjen e autorit.
Çfarë thotë policia
Rreth orës 18:15, në fshatin Vrion, Nikël, dyshohet se shtetasi Eduart Afmataj, gjatë një konflikti për motive të dobëta ka vrarë me armë shtetasin Artur Çangu
Shërbimet e Policisë vijojnë kontrollet për kapjen e autorit të dyshuar shtetasit Eduart Afmataj.
Grupi hetimor ndodhet në vendngjarje dhe punon për sqarimin e plotë e rrethanave të rastit dhe dokumentimin e plotë ligjor të tij.