Një emigrant shqiptar i është drejtuar redaksisë me një shqetësim që prek drejtpërdrejt xhepin e qytetarëve: çmimet e larta të ushqimeve në vend, krahasuar me standardet jashtë.
Në një video të dërguar nga një dyqan ku ai ndodhet jashtë Shqipërisë, emigranti tregon çmimet e mishit, duke theksuar se ato janë dukshëm më të ulëta. Ajo që bie në sy, sipas tij, nuk është vetëm diferenca në çmim, por edhe mënyra e paketimit dhe kontrollit të produktit.
Çdo pako mishi shoqërohet me datë skadence dhe informacion të qartë për konsumatorin, një praktikë që sipas tij mungon shpesh në tregun vendas. Krahas kësaj, ai nënvizon edhe kushtet e ruajtjes dhe standardet higjieno-sanitare, të cilat në vendet ku ai jeton zbatohen në mënyrë rigoroze.
Krahasimi i bërë në video ngre një pyetje të fortë: si është e mundur që në një treg ku garancia për cilësi dhe siguri ushqimore shpesh vihet në dyshim, çmimet të jenë më të larta se në vendet ku kontrolli është më i rreptë dhe standardet më të larta?
