Përplasja e fundit verbale në “Ferma VIP”, ku konkurrentja Fabiola iu drejtua me gjuhë fyese moderatores Arbana Osmani, ka nxitur reagime dhe diskutime të shumta në hapësirën publike.
Në vijim të kësaj situate, vëmendja është zhvendosur edhe te një deklaratë e mëhershme e banores, duke ngritur pikëpyetje mbi një lidhje të mundshme farefisnore mes saj dhe bashkëshortit të moderatores, regjisorit Eduart Grishaj.
Ky diskutim lidhet me një episod të transmetuar disa ditë më parë brenda shtëpisë së “Ferma VIP”. Gjatë një aktiviteti ku u shfaq një film i realizuar nga Grishaj, në përfundim të projeksionit, Ola deklaroi para banorëve: “Eduart Grishaj, kushëriri jem”.
Paralelisht, në rrjetet sociale po qarkullon edhe një fragment nga një intervistë e mëhershme televizive e regjisorit me moderatorin Arian Çani. Gjatë bisedës për origjinën e tij, Çani i referohet Grishajt si me prejardhje nga Bajza, në veri të Shqipërisë, një fakt që është konfirmuar edhe nga vetë regjisori.
Kjo e dhënë po përmendet së fundmi si një element që mund të mbështesë pretendimin e konkurrentes për një lidhje të përbashkët familjare, megjithëse nuk ka një konfirmim zyrtar për këtë raport.
