Spanja mbetet një nga destinacionet më të preferuara për turistët shqiptarë, falë kombinimit të qyteteve historike, plazheve mesdhetare dhe turizmit gjatë gjithë vitit.
Wizz Air operon fluturime direkte nga Tirana drejt disa prej qyteteve më të njohura në Spanjë, si Barcelona, Madridi, Valencia, Santandëri, Malaga dhe Palma de Mallorca, duke u ofruar shqiptarëve më shumë mundësi për të udhëtuar.
Turespaña, Wizz Air dhe Aeroporti Ndërkombëtar i Tiranës organizuan një aktivitet prezantues për destinacionet spanjolle, me pjesëmarrjen e operatorëve turistikë, medias dhe përfaqësuesve të industrisë së turizmit.
Falë zgjerimit të lidhjeve ajrore, shohim një rritje të shkëmbimit të turizmit mes dy vendeve. Kemi rreth njëqind mijë vizitorë spanjollë në Shqipëri dhe rreth 40 mijë nga Shqipëria drejt Spanjës.
BLANCA PEREZ-SAUQUILLO: “Përmes këtij aktiviteti prezantues, jemi të lumtur të prezantojmë disa nga destinacionet më tërheqëse të Spanjës për tregun shqiptar dhe të forcojmë më tej marrëdhëniet turistike mes Spanjës dhe Shqipërisë.”
Në këtë qëllin Wizz Air po zgjeron rrjetin e fluturimeve direkte.
“Spanja mbetet një nga destinacionet më të preferuara për udhëtarët shqiptarë dhe jemi shumë të lumtur që mundësojmë eksplorimin e disa prej vendeve më të bukura të Spanjës”,
Piervittorio Farabbi, Drejtor Operacional në Aeroportin Ndërkombëtar të Tiranës, vlerësoi bashkëpunimin që promovon Shqipërinë si një nga destinacionet kryesore në Europë.
“Zgjerimi i vazhdueshëm i lidhjeve ajrore mes Tiranës dhe Spanjës reflekton kërkesën në rritje për udhëtime mes vendeve tona dhe nxjerr në pah rolin strategjik të aviacionit në zhvillimin ekonomik dhe turistik. Jemi të kënaqur të mbështesim iniciativa që bashkojnë partnerët e industrisë dhe promovojnë integrimin gjithnjë e më të madh të Shqipërisë me destinacionet kryesore europiane
Zhvillimi i Aeroportit Ndërkombëtar të Tiranës wshtw mundwsuar nga investimet e grupit Kastrati, që kanë ndikuar në zgjerimin e infrastrukturës, rritjen e kapaciteteve dhe shtimin e destinacioneve ndërkombëtare.
