Bordi i Transparencës ka vendosur ulje të papërfillshme për çmimet e karburanteve në vend, ndryshime që do të hyjnë në fuqi këtë të martë, 20 maj, duke nisur nga ora 18:20.
Sipas vendimit të fundit, çmimi i naftës për konsumatorët nuk duhet të jetë më shumë se 202 lekë për litër, ndërsa benzina nuk duhet të shitet mbi 188 lekë për litër.
Krahasuar me çmimet aktuale, ndryshimi është i vogël por pozitiv për konsumatorët. Deri më tani, nafta tregtohej me 205 lekë për litër, çka do të thotë një ulje prej 3 lekësh për litër. Ndërkohë, benzina nga 189 lekë për litër zbret në 188 lekë, me një ulje prej 1 leku.
Vendimi do të mbetet në fuqi deri në mbledhjen e ardhshme të Bordit të Transparencës, ku do të rishikohen sërish çmimet në varësi të lëvizjeve në tregjet ndërkombëtare të karburanteve.
