Një ngjarje e rëndë është shënuar në Itali, ku ka humbur jetën Rudi Simaneta, 60-vjeçari shqiptar i cili ishte aksidentuar gjatë punës disa ditë më parë.
Sipas mediave italiane, viktima punonte në një fermë lokale dhe ishte angazhuar në pastrimin e murit të një magazine. Dyshohet se për të arritur në pjesën e sipërme të godinës, ai ishte ngjitur mbi krahët e një piruni ngritës.
Gjatë punës, në një lartësi rreth 3 metra, 60-vjeçari ka humbur ekuilibrin dhe është rrëzuar në tokë, duke pësuar dëmtime të rënda në kokë.
Pavarësisht përpjekjeve të mjekëve, shqiptari nuk ka mundur t’u mbijetojë plagëve të marra dhe ka ndërruar jetë dy ditë më vonë në spital.
Rrethanat e plota të aksidentit po hetohen nga autoritetet italiane. IlGiorno
