Gjashtë fëmijë dhe një grua shtatzënë mbetën të plagosur sonte në një aksident rrugor që raportoi noa.al pak minuta më parë.
Ngjarja ndodhi rreth orës 19:05, në Vaqarr, kur automjeti me drejtuese shtetasen Xh. Sh. është përplasur me automjetin me drejtues shtetasin A. P.
Si pasojë e aksidentit janë lënduar 6 fëmijë të mitur, të moshave 6-10 vjeç, të cilët udhëtonin si pasagjerë në automjetin që drejtohej nga shtetasja Xh. Sh., si dhe vetë drejtuesja e këtij automjeti.
Të plagosurit po marrin mjekim në spital dhe ndodhen jashtë rrezikut për jetën.
Grupi hetimor po punon për sqarimin e rrethanave të aksidentit.
Sipas të dhënave paraprake, në njërin prej mjeteve ndodhej një grua shtatzënë, e cila udhëtonte së bashku me gjashtë fëmijë.
Në vendngjarje mësohet se vogëlushët ishin mbledhur për të luajtur në fushë minifutbolli (kalçeto). Ata gjendeshin në makinë në momentin e përplasjes dhe për fat të mirë, lëndimet e marra nuk i rrezikojnë jetën.