Një aksident i rëndë rrugor ndodhi pak ditë më parë, në fshatin Mengël të Elbasanit ku një automjet përplasi për vdekje një 7-vjeçar. Ngjarja ka ndodhur pranë shkollës së fshatit, e cila ndodhet ngjitur me rrugën kryesore.
I mituri ishte duke kaluar rrugën për të shkuar në shkollë, kur i ka shpëtuar nga dora nënës së tij dhe është goditur nga mjeti që po qarkullonte në aksin nacional. Autori i kësaj është rregjisori Petri Bozo, i cili është arrestuar tashmë nga policia.
Por çfarë deklaronte pak kohë më parë Bozo?
Në një intervistë televizive, Bozo kishte deklaruar pak kohë më parë se kishte pësuar rreth 20 aksidente rrugore. Ai kishte theksuar se asnjë aksident nuk kishte ndodhur për fajin e tij. Bozo deklaronte se ishte shumë i kujdeshëm, ndonëse udhëtonte me shpejtësi/Dosja
