Gjykata e Elbasanit ka lënë në masën e sigurisë “arrest me burg” regjisorin Petri Bozo, pas aksidentit tragjik ku përplasi për vdekje 7-vjeçarin në afërsi të shkollës në fshatin Mengël.
Policia e akuzon Bozon për shkelje të rregullave të qarkullimit rrugor dhe shkaktim aksidenti me pasojë vdekjen e të miturit.
Në dëshminë e tij para hetuesve Bozo ka thënë se fillimisht nuk e kishte kuptuar se çfarë kishte goditur, dhe pas përplasjes kishte tentuar të devijonte automjetin.
Por autoritetet pas ekspertizës nga grupi hetimor dyshojnë se 61-vjeçari ka qenë duke lëvizur me shpejtësi. Burime nga grupi hetimor bënë me dije se Bozo ka qenë me shpejtësi tej normave të lejuara në rrugën ku po kalonte, ku kishte edhe viza të bardha dhe “policë të shtrirë” pasi ishte pranë një shkolle dhe 61-vjeçari duhet të ulte ndjeshëm shpejtësinë e lëvizjes.
Ngjarja e rëndë ndodhi të hënën në mëngjes ndodhi pranë shkollës 9-vjeçare “Sulejman Rranci”, e vendosur buzë aksit nacional “Elbasan–Librazhd”.
