Një peshkaqen i llojit “dhelpër” ka rënë mëngjesin e sotëm në rrjetat e peshkatarëve në bregdetin e Borshit. Specia detare e kapur ka një gjatësi prej rreth dy metrash dhe peshon afërsisht 35 kilogramë.
Sipas peshkatarëve të zonës, ky lloj ekzemplari haset rrallë në brigjet shqiptare, çka ka ngjallur interes të madh si te banorët lokalë, ashtu edhe te pushuesit e shumtë. Menjëherë pas nxjerrjes së peshkaqenit në breg, dhjetëra qytetarë janë afruar për të parë dhe fotografuar specien nga afër.
Ekspertët e mjedisit dhe peshkatarët shprehen se, ndonëse ujërat e detit Jon karakterizohen nga një biodiversitet i pasur, kapja e ekzemplarëve të këtyre përmasave pranë vijës bregdetare mbetet një ngjarje specifike.
