Policia Rrugore ka përditësuar informacionin zyrtar lidhur me aksidentin e rëndë të ndodhur rreth orës 15:00 në autostradën Durrës–Tiranë, në segmentin Qafë Kashar–Casa Italia.
Sipas sqarimit të fundit, si pasojë e aksidentit ka humbur jetën një shtetas, drejtuesi i autobusit, R. H., 36 vjeç, banues në Kombinat, Tiranë.
Gjishashtu nga spitali i Traumës kanë dalë me një deklaratë për mediat duke u shprehur se mes të plagosurve në gjendje të rëndë, janë edhe 2 shtetas të huaj të cilët po i nështrohen ndërhyrjeve kirurgjikale.
Shefi i Spitalit të Traumës, Agustin Suma, ka dhënë një deklaratë për mediat lidhur me gjendjen shëndetësore të personave të plagosur në aksidentin e rëndë të ndodhur pasditen e së martës në autostradën Durrës–Tiranë.
Sipas tij, aktualisht 5 pacientë po i nënshtrohen ndërhyrjeve kirurgjikale, ndërsa 2 prej tyre janë shtetas të huaj dhe ndodhen në gjendje të rëndë shëndetësore.
“Aktualisht, 5 pacientë po i nënshtrohen ndërhyrjeve kirurgjikale. Dy prej tyre janë shtetas të huaj dhe ndodhen në gjendje të rëndë shëndetësore.
Pesë pacientë të tjerë janë në gjendje të stabilizuar dhe, sipas ekipit mjekësor, nuk paraqesin rrezik për jetën,” u shpreh ai.
Ai shtoi se mes të lënduarve ndodhen edhe dy të mitur.
“Gjithashtu kemi edhe dy të mitur. Njëri është në gjendje të stabilizuar, ndërsa tjetri po i nënshtrohet një ndërhyrjeje kirurgjikale,” deklaroi shefi i Spitalit të Traumës.
