Një sherr i ashpër familjar për çështje pronësie ndodh në rubrikën “Shihemi në Gjyq” në Tv Klan, këtë të diel 5 korrik, ku Miljana ndodhet përballë nënës së saj, Evjeninë, për një hotel me 26 dhoma.
Vajza akuzon prindërit se e kanë shfrytëzuar që në moshën 21-vjeçare për të tërhequr turistë, duke e lënë në fund pa asnjë fitim. Miljana rrëfeu sakrificat e saj në rrugë me tabelë në dorë dhe një fëmijë 1 vjeç me vete, vetëm për të gjetur turistë dhe për të gjetur turistë.
Ajo tregoi mes lotësh se është përballur edhe me ngacmime banale nga kalimtarët, të cilët e pyesnin se sa e kishte “orën e natës”.
Miljana ka sjellë në rubrikën “Shihemi në Gjyq” në Tv Klan nënë e saj, Evjeninë. Përplasja mes nënë e bijë është tejet e ashpër dhe shkak për këtë është bërë një hotel, pasuri e familkjes
Miljana: Unë iu kam ardhur atje që iu kam ndihmuar, sepse ju më keni shfrytëzuar, keni shfrytëzuar zgjuarsinë time edhe sakrificën time. E ke shfrytëzuar zgjuarsinë time, anglishten time. Do që t’ia japë pronën, 26 dhoma.
Evjeni: Nuk pronë as Dritani, as ajo.
Eni Çobani: Ky problem ju takon ju si prindër. Ne duam të kuptojmë, pasi zonja vjen këtu me shqetësimin që ju gjatë verës e keni shfrytëzuar punën e saj për të marrë turistë dhe për të ardhur për të pushuar.
Miljana: Jo vetëm që tani. Ju e dini shumë mirë që kam dalë me tabelë në rrugë, më bënte babai një kompensatë të shkuar me emrin e hotelit. Zbrisja dhe më thoshin klientët “çfarë është ai, hotel apo shtëpi” dhe më iknin. Kthehesha përsëri te hotel “Butrinti” për të marrë turistë të tjerë. Rrija deri në orën 23:00 të natës me një fëmijë të vogël, 1 vjeç, në rrugë që t’u mbushja dhomat, sepse babai im donte që t’i mbushte të gjitha dhomat. Nëse unë do të kisha një dhomë mangët babai mërzitej dhe nuk i donte për një natë, i donte për dy dhe tre netë.
Evjeni: Shkoje moj te burri jot, se rrija vetë me burrin tim.
Miljana: Më falimentuat bizneset e mia. Unë do të kisha dy ose tre bizneset e mia. Ju shfrytëzuar rastin dhe më morët mua. Babai më ka premtuar gjithmonë që do të më japë pjesën e tij, por babai ngaqë është i sëmurë trembet.
Evjeni: Babain le ta marrë në Angli.
Miljana: Ajo anon më shumë nga ana e djalit, kërkon që t’ia japë të gjithë pronën djalit. Nuk ma hapnin telefonin në fund të sezonin, të gjitha lekët i ndanin për vete dhe mua asnjë.
Evjeni: Mbylle gojën, moj llafazane.
Miljana: Mua nuk më jepnin asnjë shishe ujë, edhe biletat i prisja vetë. Në fund të gjithë fitimin e ndanin të tre. Djersën time unë nuk e fal edhe nëse vdes do ua lë amanet fëmijëve të mi, që djersën e mamasë së tyre ta marrin.
Evjeni: Ec ulu atje!
Miljana: Kam qenë 21 vjeçe dhe dilja me tabelë në rrugë. Kam pasur edhe ngacmime nga njerëz u thosha njerëzve sa lekë ishte dhoma dhe më thoshin njerëzit “sa lekë e ke orën e natës”. Unë përsëri qëndroja në rrugë për të mbushur hotelin.