Thellohet tragjedia në Roskovec, pasi Belera Plaka, ish-vjehërra e Nertil Buzit, ka humbur jetën në spital. Gruaja nuk i mbijetoi plagëve pasi u qëllua me armë nga 35-vjeçari, ish i fejuari i vajzës së saj. Më herët, ndërroi jetë bashkëshorti Kosta Plaka.
Ngjarja e rëndë ndodhi rreth orës 05:00 të mengjesit në fshatin Vidhisht të Roskovecit, ku Nertil Buzi qëlloi me armë gjahu ndaj familjes së ish-të dashurës së tij, duke lënë të vdekur babanë e saj. Më pas ai mori peng ish-të dashurën, të cilën e mbajti nën kërcenimin e armës për rreth 5 orë. 35-vjeçari Nertil Buzi, autori i ngjarjes së rëndë, vrau me armë zjarri pas disa orësh negociata me forcat e policisë. Ai ishte i rrethuar nga forcat speciale RENEA në fshatin Kurjan, ku qëndroi i ngujuar në automjetin e tij, ndërsa negociatorët tentuan disa herë ta bindnin të dorëzohej.
Grupi hetimor në Drejtorinë Vendore të Policisë Fier ka marrë në pyetje 24-vjeçaren e cila u mbajt peng për disa orë nga ish-i fejuari i saj, pas ngjarjes së rëndë ku mbeti i vrarë babai i saj dhe u plagos nëna.
