Miljana ka sjellë në rubrikën “Shihemi në Gjyq” në Tv Klan nënë e saj, Evjeninë. Përplasja mes nënë e bijë është tejet e ashpër dhe shkak për këtë është bërë një hotel.
Miljana shprehet se kërkon pjesën e saj nga kjo pronë familjare, pasi kontributi, mundi dhe sakrifica e saj ndër vite duhet shpërblyer. Ajo shprehet se prindërit e saj ia kanë dhënë të gjithë pronën, hotel me 26 dhoma, vëllait të saj Dritanit.
Nga ana tjetër Evjeni e revoltuar shprehet se pronën nuk do ia lërë as djalit dhe as vajzës, por azilit.
Miljana: Kam ardhur këtu nga Britani e Madhe për të kërkuar të drejtën time te prindërit e mi. Kam punuar mbi 20 e ca vjet në hotelin tuaj…
Evjeni: Shumë mirë ke bërë ti moj që ke punuar, ke dashur dhe ke ardhur që të shikoje Sarandën. Pronën e kam vetë unë me gjak të burrit.
Miljana: Pronën ti e ke tënden, por do që t’ia lësh të gjithën djalit tënd Dritanit. Gjakun tim unë nuk e fal!
Evjeni: Pronë nuk ke për të marrë! Ik ulu atje!
Miljana: Gjakun tim unë nuk e fal, në asnjë mënyrë. Kam shkatërruar familjen time.
Evjeni: Nuk kemi bërë pronë për ju, të shkoni dhe të punoni me burrat tuaj. Pronën e kam timen dhe të burrit.
Miljana: Ti kërkon që t’ia japësh djalit, gjakun tim.
Evjeni: Nuk ke për të marrë asnjë gjë.
Miljana: Kam qenë truri i biznesit, kam punuar gjithë sezonin dhe nuk më keni dhënë asnjë lekë.
Evjeni: Kërkoni që të merrni pronë ju moj?! Ti bashkë me vëllain tënd nuk merrni pronë. Nuk do të merrni asnjë gjë, unë do ia jap azilit. Ta marrë vesh i gjithë publiku.
Miljana: Unë do marr djersën time, derisa të jem e gjallë.
Evjeni:Pronë nuk do të marrësh as ti, as vëllai jot. Shkoni merrni pronë ti te burri dhe ai te nusja.
