Mjeku i njohur kardiokirurg në vendin tonë, Edvin Prifiti, ka bërë një deklaratë të fortë në lidhje me zbulimin e efekteve anësore të vaksinave COVID-19, ku tha se të gjithë shkencëtarët që mësuan të vërtetën u eliminuan.
I ftuar në Syri Tv, Prifti tha se personi që iu dërgoi email-in shkencëtare, Frank Plumber, u gjet i vdekur në një dhomë hoteli në Nairobi të Keynas.
“Të gjithëve që iu shkoi email-i, 22 personave, unë nuk besoj se ata e kanë bërë forward gjetiu, se ngjarjet u bënë shumë shpejt, kështu që si ata që e lexuan shumë shpejt dhe ata që e morën, patën pasoja. Dërguesi u ekzekutua i pari. Frank Plumbur u gjet i vdekur në një një dhomë hoteli në Najrobi, në shkurt 2020”, u shpreh ai.
Më tej, mjeku ka deklaruar se pas kërcënimeve që i kanë mbërritur, ka komunikuar me zyrtarë të lartë, të cilët i kanë ofruar ndihmë dhe i kanë marrë familjen në mbrojtje. Po ashtu Prifti ka bërë edhe një akuzë të fortë, ku tha se personat që e kanë kërcënuar, janë ata që i kishin hapur dosjen e tij në SPAK.
“Në fund të vitit 2020, disa njerëz që më kërcënonin me familje mua dhe unë në atë kohë, i shqetësuar, telefonova atë që sot është ministri i drejtësisë, zv.ministrin e Brendshëm, komandantin e policisë, gardës, dhe të gjithë më thonin shko e denoncoi.
Për hir të vërtetës u treguan korrekt dhe më thanë që fëmijët do t’i vëmë në mbrojtje. Dhe pas denoncimit, nisi një proces, dhe personat që ishin futur, që më kërcënonin mua me jetë dhe vajzat e mia, ishin personat që kishin hapur dosjen time në SPAK. Dhe këta persona që unë i kam pyetur si ka mundësi që i toleroni dhe prokurori më tha që ka qenë i irrituar”, deklaroi Prifti.