Një ngjarje e rëndë ka ndodhur këtë të shtunë në një lokal në qytetin e Elbasanit, e cila për pak mund të ishte kthyer në tragjedi.
Një person i identifikuar dhe i arrestuar tashmë nga policia si Poli Boriçi, ka tentuar të vrasë me pistoletë Ermir Kërtezin, por fatmirësisht arma nuk ka shkrepur në momentin e qitjes.
Siç shihet edhe në pamjet e sigurura nga Vizion Plus, Bioriçi dhe Kërtezi, qenë në të njëjtin lokal. Boriçi ka mbajtur gjatë gjithë kohës nën vëzhgim Kërtezin, dhe sapo ky i fundit është ngritur nga tavolian i është afruar qetësisht dhe ka tentuar ta qëllojë.
Kërtezi sapo ka parë armën, është larguar me vrap, Boriçi e ka ndjekur dhe ka tentuar sërish ta qëllojë por nuk ka mundur.
Ndërkohë gruaja që ndodhej në tavolinë me autorin e atentatit të dështuar, qendron e qetë në tavolinë, dhe pasi ka përfudnuar gjithçka, ngrihet e qetë dhe largohet nga lokali.
