Shprehja “gusht e gunë” nuk ka më vend në Shqipëri. Kjo për shkak se temperaturat e larta që na kanë shoqëruar gjatë gjithë këtyre ditëve do të zgjasin ende, duke bërë që të arrijnë në vlerën e 38 gradëve në hije. Shkak janë valët e të nxehtit që kanë përfshirë të gjithë Mesdheun.
Për të gjithë ata që kanë planifikuar të pushojnë në bregdet, 10‑ditëshi i fundit i muajit gusht do të jetë me temperatura të larta dhe pa reshje.
Qytetet më të nxehta do të jenë Shkodra, Berati dhe Elbasani, por edhe kryeqyteti nuk do t’i shpëtojë të nxehtit.
Sipas sinoptikanëve, për shkak të ndryshimeve klimatike, muaji gusht dhe java e parë e shtatorit do të jenë 8 gradë mbi vlerat normale.
