Kryeministri Edi Rama ka zgjedhur të nisë sezonin e ri të podcastit të tij “Flasim” me disa ndryshime që nuk kanë kaluar pa u vënë re. Në podcastin e tij të parë për sezonin e ri, Edi Rama duket se nuk është në rolin e moderatorit por të intervistuarit.
Në përmbyllje të videos së shpërndarë ditën e sotme, e cila tregon fragmente nga intervista e plotë, Rama nënvizon se pushteti është një kafshë e përbindshme e cila ka tjetërsuar goxha burra.
Po ashtu Rama thekson se nuk ka ndërmend të zgjedhë një pasardhës në krye të PS-së, duke u shprehur se ai që të sfidon duhet “ta vrasë” politikisht drejtuesin.
“Pushteti është një kafshë e përbindshme, ka ngrënë e ka futur nën vete shumë burra.Ai që të sfidon dhe bëhet pasardhës ai duhet të të vrasë, unë personalisht nuk kam ndërmend të zgjedh pasardhës. Në momentin që unë e kapërcej pragun e asaj dere, ju do të shpëtoni nga unë” tha Rama.