Günther Fehlinger-Jahn, ekonomist dhe aktivist austriak, ka shpallur synimin për të kandiduar në zgjedhjet presidenciale të Austrisë në vitin 2028.
Krahas kandidimit, ai ka bërë edhe një premtim të veçantë që lidhet me Shqipërinë dhe figurën e heroit kombëtar, Gjergj Kastrioti Skënderbeu.
Përmes një postimi në platformën X, Fehlinger-Jahn ka deklaruar se, nëse zgjidhet President i Austrisë, do të angazhohet për kthimin në Krujë të helmetës dhe shpatës që i atribuohen Skënderbeut.
“Si president, unë do të rikthej Përkrenaren e Skënderbeut dhe Shpatën e Skënderbeut në Krujë, në Shqipëri.
Unë zotohem, Lord, më ndihmoni të përmbush këtë zotim ndaj Skënderbeut, ndaj Austrisë, ndaj Shqipërisë, ka thënë ai.