Një aksident i rëndë ka ndodhur mbrëmjen e ditës së sotme në fshatin Bulgarec të Korçës.
Korrespondentja e Top Channel, Dhorjela Çule, bën me dije se nga aksidenti mbeti i plagosur shtetasi F. M., 18 vjeç, i cili u transportua menjëherë në spitalin e Korçës, por si pasojë e plagëve të marra ka ndërruar jetë.
Policia ndodhet në vendin e ngjarjes, ku ndodhet dhe drejtuesi i mjetit.
Njoftim i policisë:
Korçë/ Informacion paraprak
Rreth orës 19:45, në aksin rrugor “Korçë-Pogradec”, në afërsi të fshatit Bulgarec, automjeti tip “Benz”, me drejtues shtetasin L. S., ka aksidentuar këmbësorin, shtetasin F. M., rreth 18 vjeç, i cili ndërroi jetë në spital.
Drejtuesi i automjetit është shoqëruar në Komisariat, për veprime të mëtejshme.
Materialet procedurale iu referuan Prokurorisë pranë Gjykatës së Shkallës së Parë Korçë, për veprime të mëtejshme.