Dy persona janë gjetur pa shenja jete mbrëmjen e së shtunës në zonën e Golemit.
Policia ka marrë denoncimin dhe pasi ka shkuar në një banesë ka gjetur të pajete htetasit Mihal Jani 60 vjeç banues në Golem dhe Anila Llulla 50 vjeçe, banuese në Tiranë.
Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi.
Grupi hetimor nën drejtimin e Prokurorisë vijon punën për sqarimin e plotë të ngjarjes.
