Përfaqësuesi i OSHEE, Elton Sevrani deklaroi se qeveria dhe dy kompanitë publike i kanë marrë masat për furnizimin pa ndërprerje me energji të konsumatorit dhe mosrritjen e çmimit.
Sipas tij, kriza është globale dhe përmendi faktin se në kushtet e një ekonomie të hapur mund të kemi dhe situata të ndërprerjes së energjisë.
“Menaxhimi i situatës është i tillë; për aq kohë nuk kemi rritje të çmimit, kemi një furnizim të vazhdueshëm. Qytetarët në Angli po blejnë qirinj. Pra duhet të kuptojmë dhe faktin që në një ekonomi të hapur do të kemi dhe situata të ndërprerjes dhe të mosfurnizimit dhe rritjes së çmimit. Ne këtë e kemi të garantuar. Sektori e ka garantuar furnizimin në mënyrë korrekte dhe të plotë, si dhe ka garantuar dhe mosrritje të çmimit të energjisë për klientin”, tha Sevrani.
