Home News Edhe afganët po braktisin Shqipërinë: Këtu nuk rrihet, pa punë pa asgjë, duam te ikim..

Edhe afganët po braktisin Shqipërinë: Këtu nuk rrihet, pa punë pa asgjë, duam te ikim..

0
Edhe afganët po braktisin Shqipërinë: Këtu nuk rrihet, pa punë pa asgjë, duam te ikim..

Shtetasit afganë që ndodhen në Shqipëri do të dërgohen në Kanada. Vetëm 3 familje janë dërguar ditën e djeshme, ndërsa pritet që deri më 25 janar të jetë dërguar edhe një grup tjetër. Vonesa e procedurave ka shkaktuar nervozizëm te afganët të cilët duan të largohen nga vendi. Për Fax ata shprehen se nuk duan të qëndrojnë më në Shqipëri pasi nuk kanë të ardhme.

-“3 familje janë dërguar në Kanada dhe unë shpresoj se një pjesë tjetër do të dërgohet deri në fund të janarit, sepse ne jemi këtu pa punë e pa asgjë dhe sidomos fëmijët kanë mbetur prapa me shkollën.

Prej situatës, që po zhvillohet në Afganistan, mendoj unë, ndoshta më shumë se 70 ose 80 mijë emigruan në vende të ndryshme, ndaj kjo mund të jetë një arsye, që po procedohet pak ngadalë.

-“Ne jemi grupi, që do të dërgohen në Kanada. Në dijeninë time 3 familje janë dërguar ditën e djeshme dhe ishte fluturimi i parë nga grupi ynë. Një grup tjetër do të dërgohen më 25 janar.

Nëse ne nuk dërgohemi në kohën e përcaktuar, atëherë do të ketë disa probleme për ne, sepse unë përshembull kam marrë me vete vëllain tim dhe gruan e tij, e cila është shtatzënë.

Nëse ai nuk shkon dot në kohë, atëherë ata duhet të qëndrojnë këtu për më shumë kohë dhe në këtë rast ai duhet t’i paguajë vetë të gjitha shpenzimet.

Por duhet të kuptojmë se ai nuk ka asnjë punë këtu, asnjë të ardhur, kështuqë do të krijojë shumë probleme për të, por dhe për mua, sepse unë duhet të qëndroj me të, pasi unë e solla këtu.

Ndërkaq, nëse shkojmë në kohë, ne do të kemi ndihmën dhe suportin e qeverisë, do të mund të gjejmë punë dhe të nisim një jetë të re atje.

-Çdo gjë ndjek një formë ligjore, por unë nuk kam informacion më të detajuar për këtë. Ama, për aq sa di unë, gjithçka bëhet përshkak të procedurave dhe dokumenteve, që ne kemi firmosur dhe do të firmosim për qeverinë. Ndaj dikush është dërguar më herët, e të tjerë do të dërgohen më vonë. “

LEAVE A REPLY

Please enter your comment!
Please enter your name here