Moti do të pësojë ndryshimin drastik nga fundjava, me reshje shiu dhe rënie graduale të temperaturave.
Meteorologia Anira Gjoni deklaroi se reshjet nisin të premten në pjesën më të madhe të vendit dhe vijojnë më të dobëta e lokale të shtunën.
“Të enjten pritet që temperaturat të luhaten rreth këtyre vlerave, më pas do të shohim një rënie graduale me rreth 2 gradë, pasi presim që ditën e premte të kemi dhe prezencën e reshjeve të shiut pothuajse në të gjithë territorin, të cilat do t’i kemi prezente më të shumta përgjatë ditës së premte dhe më të pakta përgjatë ditës së shtunë, ku gradualisht shkojnë drejt ndërprerjes së tyre përgjatë pasdites së ditës së shtunë. Po, do të duhet që t’ju rikthehemi xhaketave tashmë, pasi do të ketë një rënie të temperaturave. Sigurisht që jemi në stinën e vjeshtës dhe gradualisht edhe moti ftohet, por temperatur
Përgjatë ditës së premte dhe ditës së shtunë do t’i kemi prezente reshje shiu në të gjithë territorin. Reshjet e ditës së premte do të jenë në formën e shtrëngatave, lokale, të cilat do të na shoqërojnë pothuajse në të gjitha qarqet. Jo, nuk mund të flasim më për rritje të temperaturave pasi sa i takon tetorit nuk pritet që temperaturat t’i kalojnë vlerat 27 gradë. Ndërkohë që përgjatë ditëve më përpara na kanë shoqëruar temperatura sigurisht më të larta, pasi vera shënon më shumë“, tha Gjoni.