Vjen “dimri i shkurtër” Sinoptikanja paralajmeron ndryshimin drastik te motit

0
138

Sinoptikania e Metoealb, Lajda Porja në një komunikim përmes skype për ‘Vila 24’ tregoi se pasditja e sotme dhe dita e nesërme do të regjistrojë episode shiu me ndërprerje, ndërkohë që duke nisur nga e diela do të kemi ulje të ndjeshme të temperaturave, deri në 19 gradë C.

Ajo bën të ditur se fundjava do i ngjajë një “dimri të shkurtër”.

Gjatë ditës së nesërme do të mbizotërojnë vranësirat, ndërkohë që reshjet e shiut do të nisin gjatë natës, duke u gdhirë e diela.

“Gjatë mesnatës, duke zbardhur e diela do të presim masa ajrore që do të sjellin rënie të menjëhershme të temperaturave. Maksimalja nga vlera 25-26 gradë do të jenë jo më shumë se 19 gradë, pra është një dimër i shkurtër. Pritet që këto temperatura të zgjasin deri në fillim të javës tjetër. Dita e mërkurë do të ketë vlerat afër dhjetorit. Por e diela do të ketë stuhi erë dhe do e ndjemë të ftohtin edhe më shumë.”, -tha Porja.